تاند:( یکشنبه، د کب ۱۴) د افغانستان په شمال ختیځ ولایت بدخشان کې نن سهار ۵:۵۶ دقیقې د ریختر په کچه ۵،۱ درجې زلزله شوې، خو تر اوسه د احتمالي مرګ ژوبلې جزیات نه دي خپاره شوي.
ویل کیږي چې دا زلزله د بدخشان ولایت له «اشکاشم» څخه ۲۵ کیلومتره لیرې شوې ده.
له بلې خوا د «ولکانو ریسکیو» په نوم د زلزله پېژندنې ادارې ویلي، چې د دغې زلزلې ژوروالی له ځمکې څخه ۱۸۱ کیلومتره و.
د تاجکستان د بیړنیو حالاتو د کمیټې مطبوعاتي مسوولې “امیده یوسفي” ویلي، چې دغه زلزله د ریختر په کچه ۴ درجې وه او د بدخشان ولایت ترڅنګ د تاجیکستان یو شمېر سرحدي سیمې یې لړزولي دي.
بدخشان ولایت ډېرکله د داسې زلزلو شاهد وي.
د طالبانو د ادارې چارواکو د دغې زلزلې او ممکنه زیانونو په اړه یې څه نه دي ویلي.