پنجشنبه, مارچ 28, 2024
Homeخبرونهپښتین: پښتانه بهرنیو مزدوريو پسې ځي، د دوی زېرمې پنجاب قبضه کړي

پښتین: پښتانه بهرنیو مزدوريو پسې ځي، د دوی زېرمې پنجاب قبضه کړي

 تاند: ( سې شنبه، د حوت ۲ )  د پښتون ژغورنې غورځنګ مشر منظور پښتین په یوه تازه وینا کې پنجاب یو ځل بیا د پښتنو د نورو حقونو ترڅنګ، د دوی د طبیعي زېرمو په قبضه کولو تورن کړ او ویې ویل، پښتانه په مزدورۍ پسې بهرنیو هېوادونو ته ځي، خو پر کانونو یې پنجاب خیټه اچولې ده.

ښاغلي پښتین د نقیب مسید په نوم د یوه پښتون فعال د وژل کیدو په یاد غونډه کې وویل، چې پښتانه باید نور را ويښ او د خپلو حقونو د تامینولو لپاره یو لاس شي.

بل لورته: راپورونه وایي، چې د نقیب مسید کورنۍ د پاکستان په محکمه کې د نوموړي په وژل کیدو د تورن پاکستاني پولیس افسر د خوشې کیدو پریکړه ننګولې ده.

د پښتون ژغورنې غورځنګ مشر ویلي، چې دوی به د مسید کورنۍ سره د نوموړو د عدالت غوښتنې لپاره مبارزه کې مرسته وکړي.

له پښتونخوا څخه په یوه بل خبر کې راغلي، چې ملي جمهوري غورځنګ ګوند د دغه ګوند د یوه مخکښ مشر او مشهور ملتپال سیاستوال لطیف اپریدي په یاد غونډه کړې ده.

اپریدی څه موده مخکې د پېښور د محکمې په تالار کې د یوه کس له لوري ووژل شو، چې هغه نیول شوی او بندي دی.

د لطیف اپریدي په یاد غونډه کې افراسیاب خټک، محسن داوړ او نورو ملتپالو پښتنو سیاستوالو د نوموړي مبارزه او سرښندنې وستایلې او د پښتنو خلاف د پاکستان مرموز سیاستونه یې وغندل.

LEAVE A REPLY

Please enter your comment!
Please enter your name here

- Advertisment -

ادب