یکشنبه, اپریل 14, 2024
Homeخبرونهکابلوف: راتلونکې اونۍ به د افغانستان په اړه د سیمې د هېوادونو...

کابلوف: راتلونکې اونۍ به د افغانستان په اړه د سیمې د هېوادونو امنيتي غونډه جوړه کړو

تاند:( جمعه، د دلوې څوارلسمه)‏ د افغانستان لپاره د روسیې د ولسمشر ځانګړي استازي ضمیر کابلوف په مسکو کې د افغانستان په اړه د سیمې د هېوادونو د امنيتي غونډې د جوړېدو خبر ورکړی.

نوموړي ویلي، چې ياده غونډه به راتلونکې اونۍ د مختلفو هېوادونو د ملي امنیت شوراګانو د مشرانو په کچه تر سره شي.

د کابلوف د معلوماتو له مخې، په دې ناسته کې به د روسیې، چین، هندوستان، پاکستان، منځني اسيا او مرکزي اسيا د هېوادونو د ملي امنیت شورا ګانو مشران د افغانستان په اړه خبرې او مشورې سره وکړي.

سرچینه زیاتوي، چې دغې غونډې ته په افغانستان کې د طالبانو د حاکمې ادارې استازي نه دي بلل شوي.

د طالبانو ادارې په دې اړه څه نه دي ويلي.

LEAVE A REPLY

Please enter your comment!
Please enter your name here

- Advertisment -

ادب