تاند:( شنبه، د دلوې اوله) په تېره يوه اونۍ کې په دویم ځل له غزني څخه د ګاز نیولو د دویمې پېښې خبر ورکړل شوی.
ځایی چارواکو ویلي، چې دا ځل د غزني ښار په دویمه ناحیه کې د ګاز نیولو یوې پېښې ۴ تنه مړه کړي.
د نوې پېښې ډېر جزییات رسنیز شوي نه دي.
څو ورځې مخکې د غزني په یوه هوټل کې د ګاز نیولو پېښې د دوو ماشومانو په ګډون څلور تنه مړه کړي وو.
مړه شوي کسان د پکتیکا ولایت مساپر وو، چې د غزني په هوټل کې ېې شپه راغلې وه.
د ګاز نیولو داسې پېښې هر ژمی په افغانستان کې لسګونه تنه تلف کوي، چې اصلي دلیل ېې د خلکو بې احتياطي ګڼل کېږي.