یکشنبه, اپریل 14, 2024
Homeخبرونهاقتصادي خبرونهد ننګرهار پر ۲۰۰ جريبه ځمکې د مالټو نوي باغونه جوړيږي

د ننګرهار پر ۲۰۰ جريبه ځمکې د مالټو نوي باغونه جوړيږي

تاند:( چارشنبه، د جدي ۲۸)‏ د ننګرهار کانال لپاره د طالبانو چارواکي وایي، چې د یاد ریاست اړوند د هډې فارم په لسمه نمره کې د مالټو نږدې ۲۰۰ جریبه نوي بڼونه جوړېږي.

د چارواکو په خبره د هډې فارم ۱۰ مه نمره کې د ۲۰۰ جریبه مالټو بڼونو د جوړولو چارې روانې دي، چې ټولیز لګښت یې ۲۰ میلیونه افغانۍ ده او لسګونو کسانو ته په کې د کار زمینه برابرېږي.

د ننګرهار د کانال ریاست چارواکي وایي، چې ددې پروګرام په پلي کولو سره به په دې سیمه کې شاړې ځمکې ابادې او ورسره به د سیمې زرغونتیا او ښېرازۍ ته هم زمینه برابره او ترڅنګ به یې ددې ولایت د مالټو د حاصلاتو کچه هم لوړ شي.

ننګرهار د سټروسو مېوو لکه مالټې، نارنج او لیمو ونو لپاره مناسب اقلیم لري او په دې وروستیو کې په دغه ولایت کې دسټوروسو سلګونه جریبه بڼونه جوړ شوي دي.

LEAVE A REPLY

Please enter your comment!
Please enter your name here

- Advertisment -

ادب