تاند:( چارشنبه، د جدي ۲۸) د طالبانو د رژيم د د امر بالمعروف، عن المنکر او شکایتونو اوریدلو وزارت په ختیځ کې د طالبانو له پوځي ادارو د لسګونه شکايتونو د ور رسیدو خبر ورکړی.
دغه وزارت په یوه اعلامیه کې ویلي، چې ياد شوي شکایتونه ختیځ ته د دوی له یوه ورغلي پلاوي سره شریک شوي.
ننګرهار، لغمان، کونړ او نورستان د ختیځ زون څلور ولایتونه دي، چې ياد شوي طالب پلاوي ېې وضعیت ارزولی.
د طالبانو په اعلامیه کې راغلي:« په يادو ولایتونو کې د ولایتي ادارې په همغږۍ د یوې کمیټې په جوړولو لسګونه شکایتونه وڅیړل شول،حل لارې ورته ولټول شوې چې له جملې یې ۲۹ شکایات په عاجل ډول حل شول.یاد هیئت له محابسو څخه هم لیدنه وکړه، د بنديانو ستونزې یې واوریدې، ۸ تنه بندیان په هم مهاله توګه خوشې شول.»
د طالبانو د امر بالمعروف وزارت په اعلامیه کې له نورو جزيياتو پرته راغلي، چې ۵ تنه مسئولین د مسولیت د نه احساس له امله نظامي محکمې یا خپلو مراجعو ته معرفي کړل شول.
د طالبانو منتقدینو نیوکه کړې، چې طالبان ولې د دوی له مسوولينو د خلکو شکایتونه رسنیز کیدو ته نه پريږدي او خلک نه پوهيږي چې طالبان له خپلو مجرمو چارواکو سره څه ډول چلند کوي؟
تورخم ته لاړ شئ او ستاسو د سپګنو رشوت خوري وګورئ. داسې رشوت عام او په زور اخستل کیږي چې تر اوسه په یو رژیم کې هم نه و اخستل شوی. جمهوریت ته به یې مفسد وایه لاکن ددوی رشوت لپاره کوم الفاظ پیدا کړو ځکه د هغوی څو چنده زیات رشوت اخلي.