تاند:( جمعه، د جدي ۲۳) د طالبانو د حاکمې ادارې د ټرانسپورټ او هوايي چلند وزارت د هوايي چلند د مصونيت د څارنې سيسټم (SOMS) د پرانيستلو خبر ورکړی.
د وزارت د خبرپاڼې له مخې، ياد شوی سيستم د وزارت د طالب وزير ملا حمید الله آخندزاده او نورو چارواکو له لوري پرانيستل شو.
طالبانو دغه سيستم په اړه نور جزییات نه دي ورکړي.
د طالبانو د بيرته واکمنيدو په ورځو کې له هېواده د خلکو د تخلیې پر مهال د کابل نړيوال هوايي درانه زیانونه لیدلي وو، چې د چارواکو په وینا عادي حالت ته ستنول ېې ډېر لګښت او کار غواړي.