تاند:( دوشنبه، د جدي ۱۹) په جنوبي وزیرستان کې د ناامنۍ او د پاکستان د مرموزو پښتون ضدو سياستونو پر ضد له څو ورځو راهيسې اعتراضونه روان دي.
اعتراض کوونکي په سیمه کې د تلپاتې امن غوښتنه کوي او وایي که د پاکستان حکومت وغواړي په یوه ورځ دغه سیمه امن کولی شي.
په دغه پرلت کې د زرګونو په شمیر دسیمې سیاسي او غیر سیاسي مشران اؤ فعالین برخه لري او وایي په سیمه کې له بدامنۍ ډېر په تنګ دي.
دوي وایي د سیمې خلک بې درکه کیږي، د پوځ عملیاتو ولس ځورولی، اختلافونه زیات شوي، ملتپال خلک وژل کیږي او هیڅوک خوندي نه دی.
اعتراض کوونکو سیمې ته ورغلې لارې او د پاکستان د حکومت ادارې تړلي او وايي د غوښتنو د پوره کیدو تر نه تضمینه به یې اعتراضونه دوام ولري.
د جنوبي وزيرستان لپاره د پاکستان ځايي چارواکو خلکو ته د غوښتنو د پوره کیدو ډاډ یې ورکړی، خو دوی وايي په لوړه کچه تضمینونه غواړي.
د پاکستان د مرموزو سياستونو پر ضد د پښتونخوا په نورو سيمو کې هم له څه مودې راهيسې سخت اعتراضونه پیل شوي.
د ډېرو اعتراضونو ابتکار د پښتون ژغورنې غورځنګ له لوري کیږي او د غورځنګ مشران ويناوې پکې کوي.
پاکستان د پښتنو ملتپالو غوښتنو ته قانع کوونکی ځواب نه دی ورکړی او سانسوره میډیا ېې د دوی اعتراضونه نه رسنيز کوي.