تاند(دوشنبه، د جدي ۴ مه) د بې پولې ډاکترانو ټولنې هم اعلان وکړ چې له ښځینه کارکوونکو پرته په افغانستان کې خلکو ته روغتیايي خدمات وړاندې کولی نه شي.
دې ټولنې د طالبانو له لوري په ناحکومتي موسسو کې د ښځینه کارکوونکو پر کار د بندیز په غبرګون کې ویلي، په افغانستان کې یې له ۴۰ کلونو راهیسې کار کړی خو که ښځینه کارکوونکې یې نه لرلی، ښايي نه وای توانېدلي چې دومره موده ی خدمات نه وړاندې کړي.
1/4 Our teams started working in #Afghanistan more than forty years ago and have provided medical assistance to millions of people since then. Women are the ones who’ve made it possible. Without them, there can be no healthcare. pic.twitter.com/ykdCX25VUv
— MSF Afghanistan (@MSF_Afghanistan) December 25, 2022
د بې پولې ډاکترانو ټولنې پر خپله ټویټرپاڼه کښلي:«د تروما په مرکز کې ناروغانو ته د ښه کیفیت طبي خدمات، ایمرجنسي، د نري رنځ په برخه کې، جراحي عملیاتو او د نوزېږو ماشومانو په برخه کې ټول طبي خدمات ښځینه کارکوونکې وړاندې کوي.»
د بې پولې ډاکترانو ټولنې زیاته کړې، هیڅ موسسه له ښځو پرته خلکو ته مرسته نه شي کولی او د طالبانو د اقدام نتیجه ډیره ساده ده؛ هغه دا ده چې ښځې په میدان پرېښودل کېږي او د ټولو ژوند له خطر سره مخامخ کېږي.
تر دې وړاندې سېف دي چلدرن، پاملرنې، د ژغورنې نړیوالې کمېټې او د ناروې د کډوالو شورا هم اعلان کړی و چې د طالبانو د پرېکړې په خاطر په افغانستان کې خپلې بشردوستانه مرستې دروي.