کندهار کې یوه خبریال ځان وژلی

تاند:( یکشنبه، د قوس اووه ويشتمه)‏ د کندهار خبري سرچينو د‌ دغه ولايت د یوه خبریال نصیر میرزایي د ځان وژنې خبر ورکړی.

سرچینې وايي، چې نوموړي یوه میاشت مخکي واده کړی و.

د خپرو شويو معلوماتو له مخې، دغه خبریال په خپله خونه کې د مېرمني مخته ځان په ډزو ویشتلی دی.

د کندهار يوه خبريال چې نه یې غوښتل نوم یې واخیستل شي، تاند ته د نوموړي د اقتصادي ستونزو او وزګارتیا خبره وکړه او ويې ويل، چې له دې کبله ډېر ځوریده.

د طالبانو ځايي چارواکو په دې اړه څه نه دي ويلي.

د دوی له بيا واکمنيدو سره د هېواد له مختلفو سيمو څخه د ځان وژنې پېښو د زیاتېدو خبر ورکړل شوی.