پنجشنبه, مارچ 28, 2024
Home+د پروسټېټ سرطان د معلومولو لپاره الیکترونکي پزه جوړه شوه

د پروسټېټ سرطان د معلومولو لپاره الیکترونکي پزه جوړه شوه

تاند- په بریتانیا کې ساینسپوهانو د پروسټېټ د سرطان د پېژندلو لپاره الیکترونیکي پزه جوړه کړې ده.

لومړني ازمېښتونه ښيي چې دا پزه، چې (Diag-Nose) نومېږي، د انسان د ادارو په بویولو د پروسټېټ سرطان تشخیصولی شي.

په الیکترونیکي پزه شاوخوا ۲۰۰ روغ او د پروسټېټ په سرطان اخته کسان ازمېښت شول. د ازمېښت نتیجه په سلو کې ۸۵ دقیقه وه.

تر دې مخکې څېړونکو معلومه کړې وه چې روزل شوي سپي د انسان د ادار په بویولو د پروسټېټ سرطان پېژندلی شي.

ساینسپوهانو دې ته په پام چې له څو لسیزو راهیسې د روزل شویو سپو په وسیله د پروسټېټ سرطان د تشخیص هڅې کوي، د الیکترونیکي پزې جوړولو ته پام وکړ.

دا پزه په حقیقت کې د بویونو د پېژندلو لپاره سینسورونه دي.

په وروستیو کې د جیان لویجي ټاویرنا (Gianluigi Taverna) تر لارښوونې لاندې په دې اړه څېړنې وشوې چې ایا روزل شوي سپي د ادارو په بویولو د پروسټېټ سرطان پېژندلی شي او که نه؟

دا څېړنه له هغې اساسي څېړنې وروسته وشوه چې په دې برخه کې په ۲۰۱۵ م کال شوې وه او پکې څرګنده شوې وه چې سپي په رښتیا هم په دې طریقه د پروسټېټ سرطان معلومولی شي.

ښاغلی ټاویرنا وايي:«موږ داسې ټکنالوژي (وسیله) جوړه کړه چې د پروسټېټ د سرطان د تشخیص لوړه وړتیا لري او امکان شته چې په راتلونکې کې نوره وده هم ورکړل شي.»

د دې څېړنې پایلې د یورولوژۍ په نړیواله خپرونه کې چاپ شوي دي.

LEAVE A REPLY

Please enter your comment!
Please enter your name here

- Advertisment -

ادب