تاند(شنبه، د قوس ۱۲مه) د طالبانو د حکومت دفاع وزیر ملامحمدیعقوب مجاهد نن په یوه رسمي سفر متحده عربي اماراتو ته لاړ.
دا له کله چې په افغانستان کې طالبان واک ته رسیدلي دي، بهر ته د ښاغلي مجاهد دوهم سفر دی.
تېر ځل ملایعقوب مجاهد د قطر د امیر په رسمي بلنه دوحې ته تللی و او د دغه هیواد چارواکو یې تود هرکلی وکړ.
د ملایعقوب مجاهد په اړه عمومي تصور دا دی چې د طالبانو په منځ کې تر ټولو ډېر خپلواک او ملي دریځ لري. دا هم ویل کېږي چې تېره اوونۍ یې د پاکستان د بهرنیو چارو له مرستیال وزیرې حنا رباني سره له لیدو ډډه کړې وه.
د طالبانو د حکومت دفاع وزارت نن ماښام ناوخته په یوه خبرپاڼه کې ویلي چې ملایعقوب مجاهد د یوه پلاوي په مشرۍ متحده عربي اماراتو ته روان شوی دی.
په خبرپاڼه کې د دغه سفر هدف د متحده عربي اماراتو له مشرانو سره خبرې، په اماراتو کې له مېشتو افغانانو سره کتنې او د خلیج د سیمې له هیوادونو سره د طالبانو د اړیکو ټینګښت بلل شوی دی.
اماراتو ته د چارواکو سفر له دې کبله هم مهم دی چې د افغانستان مخکېنی ولسمشر محمد اشرف غني هم په دغه هیواد کې مېشت دی.
له طالبانو کرکه لرم خو دا د احمد شاه بابا کړوسی را مستقله افغان ښکاری. دا چی له کونی کهر سره یی ملاقات ونکړ بیا می لږ نو هم خوښ شو. زنده باد