تاند:(چار شنبه، د قوس نهمه) د فراه د کرنې، اوبو لګولو اومالدارۍ رياست لپاره د طالبانو رييس وايي چې سږ کال يې په دغه ولايت کې دعشر او زکات له لارې ۱۰ ميليونه افغانۍ عوايد راټول کړي.
د نوموړي په وينا، د تېرکال په پرتله يې د رياست عوايد ۹۰ سلنه زياتوالی ښيي.
سرچينه زياتوي:«نږدې يو ميليون افغانۍ دغرنيو طبي بوټو د اجارې له لارې هم راټولې شوې او د دولت حساب ته جمع شوي دي.»
دا په داسې حال کې ده، چې افغانستان کې له بشري او اقتصادي ناورين سره سخته وچکالي حاکمه ده.
د طالبانو له واکمنيدو سره بزګران شکایت کوي، چې د حاصلاتو د کموالي باوجود ېې عشر او زکات ورڅخه اخيستل کېږي او له دې کبله یې اقتصادي وضعیت اغېزمن شوی.