تاند:(جمعه، د قوس څلورمه) د افغانستان بریښنا شرکت عادي حالت ته د ۱۸ ولایتونو د بريښنا د بیرته ستنیدو خبر ورکړی.
دغه شرکت په يوه اعلاميه کې ويلي ،چې د ازبکستان وارداتي برېښنا دویم سرکت تېره شپه له څو ورځيني تخنيکي ځنډ وروسته بیرته چالان شو.
سرچينه زياتوي:« د نوموړي سرکت په نښلولو سره د قرارداد سره سم د وارداتي برېښنا بهیر بېرته عادي حالت ته را وګرځیده.»
د بریښنا شرکت د معلوماتو له مخې، په هغو ولايتونو کې چې بريښنا ېې عادي حالت ته ګرځیدلی، کابل هم شامل دی.
خلکو د برېښنا د بيرته ژر فعالیدو په برخه کې د ياد شوي شرکت د هڅو ستاينه کړې ده.