تاند:(شنبه ،د عقرب یو ویشتمه) د تخار د نمک آب ولسوالۍ د یک باغ کلي اته سیمه ییز پولیس چې د طالبانو له بيا واکمنيدو وروسته ایران ته تللي وو، بېرته هېواد ته ستانه او له خپلو کورنیو سره یوځای شول.
د تخار لپاره د طالبانو والي مولوي ضياءالرحمن مدني د هغوی هر کلی کړی او ډاډ یې ورکړی چې دوی حاکمه اداره به یې د مال، پت او عزت ساتنه کوي.
دا په داسې حال کې ده، چې سیاسي شخصیتونو سره د طالبانو د اړيکو کميسيون هېواد ته د شاوخوا ۴ سوه تنو بهر ته تللو پخوانيو چارواکو او حکومتي منسوبينو د ستنیدو خبرونه ورکړي.
د طالبانو منتقدین دوی تورنوي، چې دوی بهر مېشتو افغانانو ته د هېواد ستنیدو بلنې ورکوي، خو په هېواد کې دننه پخواني حکومتي منسوبين او خپل منتقدین نيسي، شکنجه کوي او د پخوانيو اختلافاتو حساب ترې غواړي.
طالبانو په دې اړه تورونه رد کړي دي.