تاند:(جمعه ،د ميزان ۲۲مه) د سره صليب نړيوالې ادارې په افغانستان کې د تېرو اتو مياشتو نا امنيو د پېښو او مرګ ژوبلې د ارقامو په اړه خپلې موندنې خپرې کړې.
دغې ادارې په يوه تازه راپور کې ویلي:«د روان کال اتو میاشتو کې د ماینونو او چاودنو ۴۳۵ پېښې ثبت شوي.»
سرچينه زياتوي:« یادو پیښو ۴۶۲ کسان وژلي او له زرو زیات ټپيان کړي چې ۸۰ سلنه یې ملکیان دي.»
د طالبانو حاکمې ادارې په دې اړه څه نه دي ويلي.
طالبان په افغانستان کې د بشپړ امنيت د تامين خبر ورکوي.