تاند:(یکشنبه ،د ميزان ۱۷مه) د افغانستان د اورپټلۍ ادارې لپاره د طالبانو چارواکو ویلي،چې د هرات-خواف د اورپټلۍ د جوړېدو چارې به تر راتلونکو دوو مياشتو پورې بشپړ شي.
د يادې ادارې په يوه اعلاميه کې راغلي،چې د دغې پټلۍ د جوړېدو چارې په چټکۍ سره روانې دي.
د سرچېنې د معلوماتو له مخې، ایران هم په دې برخه کې د همکارۍ ډاډ ورکړی.
د يادې ادارې لپاره د طالبانو رييس مولوي بخت الرحمن شرافت ويلي،چې په دې اړه يې د ایران له اړوندو چارواکو سره هم خبرې کړي دي.
د طالبانو تر کنټرول لاندې دغه اداره د نورو ډېرو ادارو په نسبت فعاله ګڼل کېږي.