تاند:(شنبه ،د ميزان ۱۶مه) دکابل ښار ۵حوزې اړوند دیوان بیګي په سیمه کې نن سهار پر یوه موټر چاودنه شوې.
يو شمير رسنيو د چاودنې هدف د لوړو زده کړو وزارت د مامورينو د موټر په نښه کول ښودلي، خو د کابل د امنیه قومندانۍ لپاره د طالبانو وياند خالد ځدراڼ وايي چې چاودنه د سړک غاړې په یو ګلدان کې ځای پر ځای شوي ماین د عامو وګړو د سپرلۍ په یو کاسټر موټر پسې شوې ده.
ځدراڼ زياتوي،چې د لومړنیو معلوماتو له مخې ۳تنه ملکي وګړي برسيرن ټپيان شوي.
د چاودنې مسوولیت چا پر غاړه نه دی اخیستی.
په وروستيو کې له کابل څخه د داسې چاودنو او پېښو خبرونه زیات شوي دي.