تاند:(شنبه ،د ميزان ۱۶مه) د بلخ د صنعت او سوداګرۍ خونې مسوولین وايي، چې په دغه ولایت کې د (جن وپرس صیام انترنشنل)کارخونې د مالچو یوه فاریکه د ۲ میلیونو ډالرو په ارزښت د خصوصي سکټور له خوا جوړه او پرانيستل شوه.
د صیام انترنشنل کارخونې مشر سید محمد هاشم هاشمي وویل چې، یاده فابریکه په ۲۴ ساعتونو کې د ۷۰ زرو کیلو ګرامو مالوچو د پروسس وړتیا لري.
په همدې حال کې د بلخ د صنعت او تجارت خونې سرپرست اسدالله اسدي وویل، چې دغه کارخونه به افغانستان د مالوچو په برخه کې ځان بسیاينې په لور بوځي.
د یادونې وړ ده چې اوس مهال په بلخ کې د څه د پاسه ۳۰۰ وړې او لویې کارخونې فعالیت کوي.