تاند- چین په لومړي ځل مسافروړونکې الوتکه، چې ۱۶۰ تنه پکې ځایږي، جوړه کړه.
دا الوتکه به، چې سي ۹۱۹ نومېږي، د سږ کال تر پایه د چین د هوايي چلند د ریګولاټري یا د مقرراتو تایید ترلاسه او استفادې ته چمتو شي.
ویل کېږي چې چین دا الوتکه د ایربس د (اي )۳۲۰ او د بوینګ د ۷۳۷ الوتکو په مقابل کې جوړه کړې ده.
حاضردمه د چین په شمول د نړۍ اکثره هوايي شرکتونه د امریکا او اروپا له بوینګ او ایربس الوتکو څخه کار اخلي ځکه چې په نسبي ډول ډیرې باوري الوتکې دي.
د چین ولسمشر شی جینګ پینګ د جمعې په ورځ په پیکنیګ کې د سي ۹۱۹ الوتکې له انجینیرانو سره وکتل او غوښتنه یې وکړه چې د مسافروړونکو الوتکو ټکنالوژۍ ته وده ورکړي.
د چین ولسمشر له انجینیرانو څخه په ځانګړي ډول د الوتکو د خوندیتوب او باوري توب لپاره پر کلیدي ټکنالوژیو د تمرکز غوښتنه وکړه.
سي ۹۱۹ چینايي الوتکه نژدې ۳۶ متره اوږده او ۱۲ متره لوړه ده.
تراوسه چینايي شرکتونو د ۸۰۰ دا ډول الوتکو سپارښتنې کړي خو لومړنۍ الوتکه به د سږ کال تر پایه چمتو او د چین هوايي شرکت ته وسپارل شي.