تاند:( دوشنبه ،د ميزان ۴مه)‏ د پاکستان په بلوچستان ایالت کې د يوې پوځي چورلکې د سقوط له امله د ۲ پیلوټانو په ګډون ۶پوځیان وژل شوي.

د پاکستان د پوځ په یوه اعلامیه کې راغلي،چې دا پېښه د تخنيکي ستونزې له امله رامنځته شوې ده.

د‌ يادونې وړ ده،چې په وروستيو کې د ازاد بلوچستان پوځ هم د پاکستان د پوځ خلاف پراخ بریدونه کوي او هر څو ورځې وروسته یو شمېر پاکستاني پوځيان وژني.

ياد شوي پوځ د تازه پېښې په اړه څه نه دي ويلي.

پاکستان په وروستيو کې د پوځيانو د تلفاتو له زياتوالي سره مخ دی.