تاند:( يکشنبه،د سنبلې اووه ويشتمه) د کابل ښار د څلورمو مکرویانو په لیلامي فروشۍ کې تېره شپه اور لګېدلی،چې درانه زیانونه ېې اړولي دي.
د پېښې له ځايه خپاره شوي عکسونه څرګندوي،چې د تېرې شپې په اور کې لسګونه هټۍ سوزيدلي.
سيمې ته د اطفايې کارکوونکي او وسايل رسیدلي،خو د اور له زیانه د هټيو په ژغورلو نه دي توانيدلي.
ځينو کسانو د دې کار دليل د دغه بازار بې نظمه جوړښت او ځینو نورو د اطفايې ادارې غفلت بللی.
تر اوسه د زيانونو د سطحې دقیق جزییات نه دي معلوم.
د طالبانو چارواکو هم په دې اړه څه نه دي ويلي.