تاند:( يکشنبه،د سنبلې اووه ويشتمه) د طالبانو د ادارې دفاع وزارت په پنجشېر کې د جنګي اسیرانو د وژل کیدو خپرو شويو ويډيو ګانو ته په غبرګون کې ویلي،چې دا ویډیوګانې څېړي.
د دغه وزارت ویاند عنایت الله خوارزمي ويلي،که دوی ته منسوبې ادعا شوې ویډیوګانې ريښتيا ثابتې شي،عاملان به يې مجازات کړي.
په ورته وخت کې د احمد مسعود په مشرۍ د طالبانو خلاف د يوی جنګي ډلې مشر،چې ادعا کوي وژل شوي جنګي اسیران د دوی اړوند وو، له ملګرو ملتونو څخه په دې اړه د څېړنو غوښتنه کړې ده.
يادو ويډيو ګانو په ټولنیزو رسنیو او نړيواله کچه توند غبرګونونه پارولي دي.