تاند:( سې شنبه،د سنبلې دوه ويشتمه) د طالبانو د صنعت او سوداګرۍ وزارت د خصوصي سکتور په همغږۍ د کابل په چمن حضوري کې د کورنیو تولیداتو صنعتي او ساختماني ملي نندارتون پرانيستی.
د دغه نندارتون په پرانيستغونډه کې د سوداګرۍ او پانګونې خونې استازي خان جان الکوزي ويلي، چې د طالبانو له واکمنيدو سره د سوداګرو ډېرې ستونزې، په خاص ډول د فساد او نا امنۍ له پلوه حل شوي.
هغه په ورته وخت کې د طالبانو ادارې سره مالیاتي او ګاونډیو هیوادنو سره د ډمپینګ ستونزې یادې کړي ،چې سوداګر يې حلیدل غواړي.
په دې غونډه کې د طالبانو د صنعت او سوداګرۍ وزیر نورالدین عزیزي ویلي،چې په راتلونکې کې چین ،قطر او ځینو نورو هیوادونو په خپلو کورنيو او نړیوالو نندارتونو کې افغان صنعت کارانو او تولید کونکو ته د ګډون بلنه ورکړې ده.
په وروستيو کې د افغانستان له مختلفو سيمو څخه د سوداګرو، صنعت کارانو او نورو مالیه ورکوونکو د طالبانو له ادارې شکايت کړی،چې ماليه ېې په بېساري ډول پرې زیاته کړې او ډېرو ستونزو سره ېې مخ کړي دي.