تاند:( سې شنبه،د سنبلې دوه ويشتمه) د کابل لپاره د طالبانو چارواکي وايي،چې امنیتي ځواکونو یې د شېر سیاه سنګ په نوم یو کس چې په غلا، انسان تښتوونو او جنایت کارۍ باندې مشهور و، د یوه ماشوم د تښتوولو پر مهال لاس په لاس نیولی دی.
د کابل ښار د اتمې امنیتي حوزې لپاره د طالبانو آمر مولوي فیض الرحمن زبیر وویل، چې د نیول شوي کس اصلي نوم احسان الله دی او په شېر سیاه سنګ مشهور وو.
د ملا زبیر په وینا شېر سیاه سنګ چې د انسان تښتونې او وسلوالو غلاوو په ګڼو قضیو تورن دی، تېره ورځ هغه مهال ونیول شو، چې غوښتل يې د ساحل په نوم یو ماشوم د کارته نو له سیمې څخه وتښتوي.
په وروستيو کې د فقر، اقتصادي ناورين او پراخې وزګارتیا له کبله د انسان تښتونې د پېښو د زیاتېدو خبرونه ورکړل شوي.
طالبانو د ډېرو پېښو د عاملینو د نیولو خبر ورکړی،خو خلک نیوکه کوي چې مجرمینو د نیولو له دومره خبرونو سره لا هم په جرمونو کې کمښت نه دی راغلی.
دا کسان ټول تنظیم شوی مجرمان او چپاولګران دي. دوی د فقر او یا غریبۍ نه تښتونې نه کوي. دا حرموني د غلا شوقیان دي.