تاند:(سې شنبه،د سنبلې پینځلسمه) د طالبانو د کورنیو چارو وزارت اړوند د پاسپورټ ریاست وايي ،چې د انلاین فورمو له لارې د پاسپورټ د چاپ ورځینی ظرفیت یې ۵ زره ټوکو ته لوړ کړی.
د طالبانو د پاسپورټ عمومي رییس پاسوال مولوي عبدالحکیم حمیدي ویلي، دا کار ېې د پاسپورټ غوښتونکو د اړتیاوو د ښه حل او غوښتنو ته د رسېدو په موخه کړی.
دا په داسې حال کې ده،چې خلک لا هم د پاسپورټ ادارې له خدماتو نارضایتي ښيي او د کارونو د ځنډ تر څنګ ېې په پراخ مالي فساد تورنوي.
د طالبانو يادې ادارې بیا تورونه رد کړي او ويلي،چې د مراجعینو پراخه ګڼه ګوڼه یې د کارونو د ځنډ سبب کیږي.
د طالبانو له واکمنيدو وروسته، په میلیونونه افغانان غواړي د پاسپورټ ترلاسه کولو یا غیر قانوني لارو څخه د اقتصادي ناورين، د هېواد پر راتلونکي د بې باورۍ او طالبانو سره د اختلاف له کبله هېواد پريږدي.
سخت درواغ وايي. مخکې یې ویلي ول چې د سنبلې پر ۱۵ مه به وخت ورکړي اوس یې دا وخت د میزان ۱۵ ته اوږد کړی دی.