خبریال: جبارخیل – طالبانو د افغانستان د امریکايي پوهنتون نوم په “افغان نړیوال پوهنتون” بدل کړ.
د طالبانو تر واکمنۍ وروسته په دغه پوهنتون کې تدریسي بهیر ودرول شو. طالبانو د دغه پوهنتون د نوم په بدلولو سره په دوو اونیو کې د ټولګیو د بیا پیل اعلان وکړ.
محمد ادریس اخوندزاده؛ د افغانستان په امریکايي پوهنتون کې د طالبانو د چارو څارونکی وايي: د دغه پوهنتون مسوولان په هره برخه کې چمتو دي او محصلان یې هم جذب کړي دي.
په همدې حال کې د افغانستان امریکايي پوهنتون په ۲۰۰۶ کال کې د امریکا د حکومت او د دغه هېواد د پراختیايي ادارې په مرسته په کابل کې تاسیس شو او په فعالیت یې پیل وکړ. خو د طالبانو تر واک ته رسېدو وروسته یې کار بند کړ او اوس طالبانو اعلان کړی چې په دوو اونیو کې به بېرته پرانېزي.