تاند( سې شنبه، د سنبلې اتمه) راپورونه وايي،چې د بدخشان د دولتي روغتون ښځینه ډاکټرانو او کارکوونکو د طالبانو د امر بالمعروف ادارې د پرله پسې مزاحمت او قيوداتو له کبله کار بنديز کړی.
دوی ويلي،چې د طالبانو د دغې ادارې کارکوونکي هره ورځ د حجاب او اسلامي شريعت د نه مراعاتولو په نوم دوی ګواښي او په ذهني لحاظ يې نارام حالت سره مخامخ کړي دي.
دوی زیاتوي،چې طالبانو ترې د چادرۍ اغوستو غوښتنه کړې،چې دا ورته د دندې پر مهال ستونزمنه ده او نه ېې شي تر سره کولای.
دا په داسې حال کې ده،چې له تخار څخه د طالبانو د يادې ادارې د کارکوونکو له لوري جومات ته د نه تلو په تور په درو د يو شمېر دوکاندارنو د وهلو خبرونه ورکړل شوي.
طالبانو په دې اړه څه نه دي ويلي.
ویل کیږي،چې په نورو ولايتونو کې هم طالبانو خلک ورته ستونزو سره مخ کړي، خو د رسنيو د سانسور او پر خلکو د حاکمې ویرې له کبله څوک حال نه شي ویلای.
هغه بل ځل اسامه د ټالبانو سروخوړ او ژوندي یې د پنجاب بندیوال شول.
دا ځل به امربالمعروف او دا ښځې دې داسې ځي اوهغه ښځې د داسې ځي ،موضوعات نه یواځې د دوی سرونه وخوري ، خدای مکړه د افغانستان سرنوشت هم برباد نکړي . فاعتبروا یا اولي الابصار