تاند( دوشنبه ، د اسد ۳۱ مه) د طالبانو د امر بالمعروف او نهی عن المنکر وزارت چارواکو نن ویلي،چې«د ښځو د اصلاح»په موخه د دغه وزارت په چوکاټ کې یو ځانګړی رياست جوړوي.
د طالبانو د دغه وزارت ویاند عاکف مهاجر نن په یوه خبري غونډه کې ویلي،چې په دې نوي رياست کې به ښځینه محتسبانې د ښځو د اصلاح لپاره وګومارل شي.
دا په داسې حال کې ده،چې په وروستيو کې د ښځو پر وړاندې د طالبانو پرله پسې فشارونو په ملي او نړيواله کچه د اعتراضونو کچه لوړه شوې ده.
په تازه ګام کې یوې پښتنې شاعرې د یوه خصوصي ټلویزیون په یوه پروګرام کې طالبانو ته د شعر په ژبه د ښځو په اړه خپل اعتراض داسې وړاندې کړی،چې په ټولنیزو رسنیو کې یې ویډیو خورا ډېره خپره شوې ده:
«موږ خو ليدي، زموږ له سترګو دومره لرې نه وې
ښځې له تا مخکې ملا صاحب کافرې نه وې»
په تازه ګام کې د افغانستان لپاره د اروپايي ټولنې ځانګړي استازي ویلي ،چې د طالبانو ادارې سره ېې خپلې اړیکې پر یو شمېر شرايطو مشروطې کړي،چې د نجونو د ښوونځيو بيرته پرانيستل او دندو ته د ښځينه ستنیدل ېې په سر کې دي.
همهغه خبره ده : داښځې د داسې ځي او هغه ښځې د هغه سې ځي .
دنیا چېرته لاړه او تاسې جاهلان لکه چرګان په کوم ځای کې پاته شوئ .