تاند- ۱۳۸۱ کاله پخوا په دې ورځ د ۶۴۳ ع کال د اګست په شلمه خالد بن ولید د طبریې د جهیل په جنوب کې د فلسطین په برموک دره کې د بیزانس امپراتورۍ لښکر دړې وړي کړ.
په برموک دره کې په همدې نوم جګړه کې د خالد بن ولید په قومانده د مسلمانانو د لښکربری سبب شو چې د بیزانس امپراتورۍ ختیځې دروازې مسلمانانو ته پرانستل شي.
په خراسان او بین النهرین کې له سوبو وروسته د مسلمانانو د لښکرمخه د فلسطین او سوریې لور ته واوښته چې په هماغه وخت کې د بیزانس امپراتورۍ برخې وې.
د مسلمانانو د پرمختګ له کبله د بیزانس امپراتورۍ مجبوره شوه چې په خپله خاوره کې د مسلمانانو د نور پرمختګ د مخنیوي لپاره دفاعي هلې ځلې وکړي.
د مسلمانانو خلیفه حضرت عمر(رض) ته خبر ورسېد چې یو شر مسلمان ځواکونه د سوریې د دمشق په جنوب کې د بیزانس امپراتورۍ د پوځ له لوري له خطر سره مخامخ شوي دي. ده خالد بن ولید ته امر وکړ چې د بیزانس له لښکر سره د مقابلې لپاره هلته لاړ شي.
خالد بن ولید په پنځو ورځو کې مسلمانان جنګ ته چمتو کړل او ویې پتېیله چې پر دښمن حمله وکړي. د بیزانس د امپراتورۍ د لښکرو قومانده د جنرال تیودوروس په غاړه وه.
وروستۍ جګړه په برموک دره کې او د برموک په نوم د سیند په غاړه ونښته او سره له دې چې د مسلمانانو د لښکر شر د بیزانس امپراتورۍ د ځواکونو په پرتله په ځلونو کم وو، سوبه د مسلمانانو په برخه شوه.
په دې ډول د ۶۳۶ ع کال د اګست په شلمه د مسلمانانو لښکر د بیزانس امپراتورۍ پوځ دړې وړې کړ او د بیزانس امپراتورۍ ختیځې دروازې د مسلمانانو پرمخ پرانستل شوې چې په نتیجه کې یې مسلمانانو درسته سوریه او فلسطین ونیول.
نو څه غول یې وکړل ټول یې مورزادي جاهلان کړل او په هغه وخت کې دوی په ښځو عشقونه وکړل ! ګټل اسانه خو ساتل علم غواړي نه ملا جاهل !
مسلمانانو هر وخت په نورو ملتونو يرغلونه کړي او د کاميابۍ په صورت کې يې ځانونه فاتحان بللي، خو چې کله د دوۍ د يرغل پر وړاندې څوک راجګ شوي دي، نو دوی بيا ځانونه مظلومان بللي دي. د اسلام نه د کرکې لپاره د مسلمان خپل کړه وړه کفايت کوي.