تاند( دوشنبه ، د اسد ۱۰ مه) د چين د نفت او ګازو د استخراج د يوې کمپنۍ (اکسوس) مشر د طالبانو د مالیې وزیر هدایت الله بدري سره ولېدل.
د طالبانو مالیې وزارت په یوه اعلامیه کې ویلي ، چې په دغه کتنه کې د افغانستان د نفت او ګازو دولتي شرکت سره د یاد چنایي شرکت د۲۰ سلنه شراکت هوکړه وروستۍ شوه او رسمآ د بدري له لوري د قرارداد لاسلیکولو امر وشو.
سرچينه زياتوي:«یاد چینایي شرکت ته د قوشقرې د تیلو د استخراج قرارداد سپارل شوی، چې د افغانستان د نفت او ګازو دولتي شرکت د شل سلنه شراکت په ملتیا به، په ګډه سره د قوشقرې له څاګانو څخه تیل استخراجوي.»
طالبانو په دې اعلاميه کې د دغه تړون نور جزییات نه دي روښانه کړي.