تاند( جمعه ، د اسد ۷ مه) د طالبانو د عامې روغتیا وزارت مسوولین وایي چې له کلونو وروسته یې په هلمند کې د هیمودیالیز (وینې تصفیه کول) ماشین فعال کړ.
د چارواکو په وينا ،له دې وړاندې به هلمندیان اړ کېدل چې د سلګونو کیلو مټره واټن په وهلو د یادې معاینې لپاره کندهار یا کابل ته لاړ شي.
طالب چارواکو د دغه ماشين او فعالولو په اړه ېې نور جزییات نه دي ورکړي.
د دوی له واکمنيدو سره د افغانستان روغتيايي نظام له بد وضعیت سره مخامخ دی.
د دغه وضعیت دلیل دا ګڼل کېږي، چې د طالبانو حکومت نړيوال په رسميت نه پيژني او روغتيايي نظام سره ېې خپلې مرستې درولي دي.