تاند( پنجشنبه ، د سرطان ۲۳ ) د کابل پغمان ولسوالۍ کې د ښځو او ماشومانو په ګډون د یوې کورنۍ اووه غړي وژل شوي.
د کابل د امنیې قومندانۍ لپاره د طالبانو ویاند خالد ځدراڼ دا پېښه تاييد کړې او ویلي، چې تېره شپه د شخصي دښمنۍ له امله رامنځته شوې ده.
ويل شوي، چې دغه کسان په خپل موټر کې د کور پر لور روان وو، چې ووژل شول.
پرون د افغانستان د سلفي عالمانو د شورا رييس شیخ سردار ولي ثاقب هم په کابل کې ناڅرګندو کسانو وواژه.
د هغه د وژلو پړه يو شمېر خلکو پر طالبانو اچولې، خو د طالبانو وياند ذبيح الله مجاهد ويلي چې نوموړي دوی سره بیعت کړی و او دوی نه دی وژلی.