تاند( دوشنبه ، د سرطان دیارلسمه ) په هلمند کې د ملګرو ملتونو د ماشومانو د ملاتړ ( یونیسف) په ۱۰،۳ میلیونه افغانیو د اوبو رسولو یوه پروژه بشپړه شوه.
په دغه ولايت کې د طالبانو اړونده چارواکو ویلي ، چې ياده پروژه د بست کلا په یوه اړونده سیمه کې بشپړه شوې ده.
د سرچينې د معلوماتو له مخې ، د دې پروژې له بشپړیدو سره به شاوخوا ۶۵۰ کورنیو ته د اړتيا وړ اوبه برابرې شي.
په وروستيو کې د هلمند او نورو جنګ ځپلو سیمو څخه چې اوږده موده له رغنیزو پروژو او د ژوند له لومړنيو امکاناتو څخه محرومې وې ، د داسې پروژو د بشپړیدو خبرونه ورکول کېږي ، چې ډېر خلک پرې خوشاله ښکاري.