تاند( پنج شنبه ، د سرطان دويمه) د کونړ د مرکز اسعد آباد په کړمار سیمه کې نن نهه بجې پر یو کور ډبرین دېوال ورلوېدلی دی.
د کونړ لپاره د طالبانو د والي مرستيال مولوي عبدالله حقاني وایي چې په پېښه کې د دوو ښځو او دریو ماشومانو په ګډون شپږ تنه وژل شوي او نهه نور ټپیان شوي دي.
په کونړ کې د ځمکې د کمښت له کبله ډېرو خلکو د غرونو په لمنو کې کورونه جوړ کړي او هملته ژوند کوي.
د ساختماني شنونکو په باور ، د کور جوړولو پر مهال د افغانانو بې تدبيري او مسلکي انجينرانو سره نه همغږي د داسې پېښو يو اصلي دليل دی.
په وروستيو ورځو کې د افغانستان مختلفې سیمې د زلزلې، سیلابونو ، واورو او نورو طبيعي پېښو له کبله د زرګونو تنو د مرګ ژوبلې سبب ګرځېدلی.
افغانانو په يوه خوله د پېښو زیانمنو سره د افغان شتمنو او نړيوالو د عاجلو بشري مرستو غوښتنه کړې ده.