تاند( سې شنبه ، د جوزا ۳۱ مه) د طالبانو د حکومت چارواکي په اتو ولايتونو کې د سیلابونو له کبله د ځاني او مالي زیانونو خبر ورکړی.
د طالبانو د حکومت د طبیعي پېښو پر وړاندې د چمتووالي وزارت مرستيال مولوي شرفالدین مسلم ويلي، چې په دغو سیلابونو کې ۱۰ تنه وژل شوي او ۲ نور ټپيان دي.
نوموړي د سیلابونو له امله د ۵۰۰ کورونو، لسګونه کيلو متره سړک او د درې نیم زره جريبه ځمکې د حاصلاتو د خرابیدو خبر هم ورکړی.
دغه طالب مقام زياته کړې ، چې تر زرو پورې څاروي هم تر اوسه د سېلابونو له امله وژل شوي دي.
د افغانستان په مختلفو سیمو کې نن باران او واوره شوې ، چې په ځینو برخو کې د سېلابونو او توپانونو ملتیا هم ورسره شته.
ګومان کېږي ، چې د ځاني او مالي زیانونو سطحه به تر دې هم لوړه وي.