تاند( پنج شنبه، د جوزا ۲۶ مه) په افغانستان کې د ملګرو ملتونو د سرمنشي ځانګړې استازې مېرمن دیبورا لاينز، چې تازه یې دغه دنده پای ته رسیدلې او له افغانستان څخه وتلې، په یوه وروستي پيغام کې طالبانو ته د افغانستان د وضعیت د مهارولو په اړه خپلې سپارښتنې وړاندې کړي دي.
مېرمن لاينز ویلي، چې که طالبان غواړي حکومت ېې بقا وکړي، ښځو ته نه باید د بشري ټولنې د یوې استثنا په نظر وګوري او حقونه ېې وتروړي.
هغې په عین حال کې، د طالبانو لپاره په خپل حکومت کې د سياسي مشارکت د اصل تامینول مهم ګڼلي او خبرداری یې ورکړی، چې له دغو ټکيو پرته په افغانستان کې هیڅ کوم نظام دوام نه شي کولای.
د ملګرو ملتونو دغې استازې له طالبانو سره تعامل هم اړین یاد کړی او ویلي، چې دوی سره په ګډه د افغانانو د ژوند ژغورلو لپاره هڅې په کار دي.
مېرمن لاينز د دې امکان د موجودیت خبر هم ورکړ، چې په خبره یې افغانستان کې یو پراخ بنسټه اسلامي نظام رامنځته شي.
د ملګرو ملتونو د دغې ځانګړې استازې دوه کلنه کاري موده څو ورځې مخکې پای ته ورسېده.
له دې شي خو چندان شی جوړ نه شو.