تاند(پنجشنبه، د جوزا ۱۲ مه) د پنجشېر د خینج ولسوالۍ د دشت ريوت سیمې اوسیدونکي وايي، چې طالبانو ېې لسګونه سيمه وال د مقاومت ډلې سره د تړاو په تور نيولي.
سرچېنې ادعا کوي، چې نیول شوي کسان ملکیان او غیر وسله وال دي، خو طالبانو دا ادعاوې رد يا تایید کړي نه دي.
بل لور ته: راپورونه ښيي، چې طالبانو په کابل کې د پنجشېر د ولايتي شورا يو پخوانی وکيل مولوي یحیی عنابي نیولی.
له سمنګان څخه د عبدالخالق بای په نوم د یوه قومي مشر د نیولو خبر هم ورکړل شوی.
طالبانو د دغو ادعا شویو نیونو په اړه څه نه دي ويلي.
ويل کيږي، چې ورته نيونې هره ورځ د افغانستان په نیږدې ټولو سیمو کې کیږي، خو رسنۍ یې د طالبانو د سختو قیوداتو او محدوديتونو له کبله نه شي رسنیز کولای.
دا په داسې حال کې ده، چې له افغانستان څخه ورځ تر بلې د متنفذو څېرو، علمي او فرهنګي کادرونو د وتو خبرونه ورکول کېږي.