د افغانستان رهبري او مشرتوب په اوسني وخت کې په یواځې توګه ناممکنه ده او دا موضوع له 1357ر را پدې خوا ټولو ته واضیح شوه چې خپلسري ، یکه تازي ، یو ګوندي او د یکتاتوري زورواکي ، جنګسالاري زمونږ په هېواد کې سوله نشي راوستلی.
هغوی چې ځانونه یې تر ټولو باسواده بلل ، هغوی چې تر ټولو سپېڅلي مجاهدین او د انسانیت د مرګ او ژوند فیصله ئې کوله ، لکه اته پنجاب مېشتي او نهه مشهد میشتي تنظیمونه او همدارنګه په غربي نړۍ کې مېشتو افغانانو ، د کرزي او اشرف غني په مشرتابه ګډوله قومي ټېکه داران ، جنګي جنایتکاران یو هم بریالي نه شول چې زمونږ هېواد ته سوله راوړي او افغانستان له سیالانو سره سیال کړي.
ټالبان چې د شیطان او پنجاب په خرو سپاره دي ، تر اوسه یې د هېڅ افغان مشوره نده اورېدلې او یا عملي کړې. که دوی همدا راز د فرعون په شان تکبر کوي ، لرې نه ده چې یوځل بیا افغانستان د پردیو لاسوهنو او کورنیو جګړو ته سوق کړي چې مسوولیت به یې دوی ته ورله غاړې وي .
هیله ده چې پدې راتلونکي جرګه کې بېغرضه ، وطندوسته پر اسلام او افغانستان مین افغانان راټول کړل شي . د هېواد د ملي تمامیت ، مځکنۍ بشپړتیا ، ملي یوالي او له نړیوالو سره په سوله کې د ګډ ژوند لپاره یو ملي پلاتفرم ترتیب کړي او د تل لپاره کورنیو جګړو ، کودتا ګانو او بېعدالتیو ته د پای ټکی کېږدي . واک اهل د کار ته وسپاري، ټولو افغانانو ته منلی ، ملي ، اسلامي او افغاني دولت بنسټ کېږدي .

تالبیزم ددروغو منافقت دوه مخۍ او د هیرامنډۍ د ګټو د چوکیدارۍ سمبول دی
دوۍ هیڅکله داسی قدم نه پورته کوی او نه يی باداران اجازه ورکوی چی د افغانستان او افغانانو په ګټه وی
تر اوسه هم چی څوک ددې وحشت او تور جهالت نه د خیر امید لری نو د احمقانو په جنت کی اوسی

د یوی وړی بیلګی په ډول دوۍ همیشه دا ادعاکوله چی د ملی بیرغ په هکله فیصله نده شوی او هیڅوک په د ملی بیرغ په سر ونه ځورول شی
خو ومو لیدل چی ډیر بی ګناه ځوانان يی یوازی د ملی بیرغ په سر ووژل او هم د نورو ځورونه لا په یوه او پله پلمه روانه ده
دا وحشت او تور جهالت د رښتینی او په هیواد مینو افغانانو سره کلکه دښمنی لری او دا باید ټول خلک درک کړی