که څه هم په ظاهره نوموړې ادارې ښکلي نومونه لري، د بشر د حقوقو مدافعین د سولې طرفداران او نور دي ، خو په عمل کې لکه د ټالبان دعالي تحصیلاتو پرضد د وزیر کړنو ته ورته دي .
د مصالحې عالي شورا یو تشریفاتي او د عبدالله د خوښ ساتلو لپاره یو فورمولیتي سازمان وو چې تل یې د سولې پرضد عمل کړیدی . اوس چې جمهوري نظام ړنګ شویدی له مخالفینو سره د سولې او مذاکرې لپاره په بل نوم یوه کوچنۍ اداره د محدودو کسانو په ګډون ضرور ده .
همدارنګه د بشر د حقوقو سازمان د هزاره ورونو په استازیتوب د سیمای بې ثمر ( سمر ) شخصي سازمان وو او د پښتنو پرضد خپلو اعمالو او کړنو د توجیه کولو لپاره جوړ شوی وو .
د اساسي قانون د څار اداره هم د ایراني جاسوس قاضي ګل رحمن په مشرۍ داسې کوم خدمت نه دی کړی چې زمونږ هېواد وال پرې وویاړي . په خواشینۍ سره باید ووایو چې ټالبان د افغانستان اساسي قانون ته هېڅ درناوی نه لري ، یواځې هغو برخو باندې عمل کوي چې د دوی په ګټو وي .
د امنیت شورا د یوه هېواد لپاره یوه حساسه او ضروري اداره ده چې هلته د هېواد خبره او مسلکي کسان د خپل وطن د ملي منافعو او حساسو ، عاجلو او ضروري امورو لپاره تصمیم نیسي ، د هېواد ولسمشر ته مشورې ورکوي، د نورو هېوادونو له مماثلو ادارو او مشرانو سره د خبرو لپاره هم ضرور ده ، ورانول یې حماقت دی .