تاند(دوشنبه، د ثور ۱۹ مه) د کانونو او پټرولیم وزارت مسوولان وايي چې د روانې غويي میاشتې له لومړۍ نېټې څخه تر شپږمې نېټې پورې یې څه باندې ۳۳۲ میلیونه افغانۍ عواید راټول کړي دي.
د کانونو او پټرولیم وزارت پر خپله ټویټر پاڼه ليکلي چې د غويي میاشتې له لومړۍ څخه تر شپږمې نېټې پورې ۳۳۲ میلیونه ۸۰۷ زره او ۶ افغانۍ عواید راټول کړي دي، وايي دا د هېواد په عوايدو کې د تېرې اوونۍ بې ساری پرمختګ دی.
د کانونو او پټرولیم وزارت د 1/2/1401 څخه تر 7/2/1401 نېټې پورې ټول (332،807،006) درې سوه دوه دېرش میلیونه، اته سوه اوه زره او شپږ افغانۍ عواید راټول کړي. pic.twitter.com/H2ckrljnFG
— Ministry of Mine & Petroleum-Afghanistan (@MoMPAfghanistan) May 8, 2022
سرچینه زیاتوي:
د روانې غويي میاشتې په لومړۍ نیټه ۲۱،۹ میلیونه، په دوهمه نېټه بیا ۱۳،۱ میلیونه، په درېیمه ۲۷،۴ میلیونه، په څلورمه ۳،۸ میلیونه، په پنځمه ۱۷ میلیونه او په شپږمه نېټه ۲۴۹،۳ میلیونه افغانۍ عواید راټول کړي دي.