تاند(شنبه، د ثور ۱۷) ټاکل شوې ده چې د طالبانو د حکومت د امربالمعروف او نهي عن المنکر اداره نن د حجاب په اړه یو اعلان وکړي.
د طالبانو دې ادارې، چې افراطي عناصر پکې راټول شوي، پرون په یوه خبرپاڼه کې له رسنیو څخه غوښتي چې د امربالمعروف او نهي عن المنکر وزارت تالار ته ورشي چې هلته د دې وزارت له لوري «د حجاب د حکم په اړه یو ضروري فرمان اعلانیږي.»
په خبرپاڼه کې ویل شوي چې په دې مناسبت ستره غونډه جوړېږي.
په وروستیو کې یو شمېر طالب چارواکو وویل چې ژر به د دیني عالمانو یوه غونډه جوړه شي څو له شپږم ټولګي پورته نجونو د زده کړو په اړه پرېکړه وکړي.
ګومان کېږي چې د امربالمعروف وزارت به د نجونو او ښځو لپاره د حجاب په نوم یو شمېر نور قیودات اعلان کړي.
مخکې تر دې چې د تېر کال په اګست کې طالبان واک ته ورسېږي، د طالبانو یو شمېر خواخوږو ویل چې دا ډله بدله شوې او د تېرې دورې له تېروتنو یې زده کړه کړې ده. خو په تېرو ۸ میاشتو کې طالبانو په تدریج افراطي اقدامات زیات کړي دي. په نارینه وو په زور د ږیرې پرېښودل، د نجونو د ښوونځیو نه پرانیستل، کار ته د ښځو نه پرېښودل، د موسیقۍ مخنیوی، پر سریالونو بندیز او پر رسنیو شدید سانسور هغه افراطي اقدامات دي چې طالبانو د خپل حکومت په لومړۍ دوره کې هم اعمال کړي وو.
طالب د خليلزاد، امريكا، انگلستان + نورو عربي استخباراتو يوه گده پروزه چی د مذهب تر نامه لاندى يى د دوى گدی گتی پر مخ ورلی، خو نن حينى نور هم ورسره ور زيات شوي او د هغوى موخى هم مخته وري.