تاند:( پنجشنبه، د ثور لومړۍ) لومړني راپورونه څرګندوي، چې د کابل ښار په پینځمه ناحیه کې د خوشال مېنې سيمې پر زده کوونکو دوه جلا چاودنې شوي.
تر اوسه د دغو چاودنو سیمې مشخصې شوي نه دي.
ځينې سرچينې وايي، چې چاودنې دواړه خصوصي ښوونځي او د هغوی زده کوونکي په نښه کړي دي.
د طالبانو کورنيو چارو وزارت يوه چاودنه تاييد کړی او پکې د ۲ ماشومانو ټپي کیدل تایید کړي دي.
څو ورځې مخکې د کابل په دشت برچي سيمه کې يو تعليمي مرکز او يو خصوصي ښوونځی د مرګونو بریدونو هدف وګرځول شول، چې لسګونه تنو پکې د مرګ ژوبلې راپور ورکړل شو.
طالبانو د پېښو مرګ ژوبله کمه ښودلې وه، خو خلکو په دروغ ويلو تورن کړل.
د مخکينيو او نننيو چاودنو مسوولیت چا پر غاړه نه دی اخیستی.
طالبانو په هېواد کې د سراسري امنيت تامينول خپله تر ټولو لویه لاسته راوړنه ګڼله، خو په وروستيو کې له مختلفو سيمو د نا امنیو او ورته پېښو خبرونه زيات شوي دي.