تاند- ساینسپوهانو د مصنوعي ذهانت داسې سیستم جوړ کړ چې د زړه د درېدو له کبله د مړینې احتمال اټکلولی شي.
د انټرسیټینګ انجینیرینګ ویبپاڼې د راپور له مخې، د زړه د اریتم یا د ضربان بې نظمي داسې حالت دی چې مخنیوي یې سخته کار دی او په ډیرو مواردو کې د انسان د مړینې سبب کېږي. په دې اړه په نېچر کاردیوواسکولر ریسرچ خپرونه کې یوه څېژنه خپره شوې چې ښيي چې د ناروغ د زړه د عکسونو او د ناروغ د مخینې پر اساس مصنوعي سیستم ته انکشاف ورکړل شوی څو د زړه د حملې په اثر د مړینې د احتمال وړاندوینه وکړي.
له راپورونو سره سم، دا مصنوعي ذهانت تر ډاکترانو د زړه د ایم آر آی بېلګې ښه لیدلی، پېژندلی او څېړلی شي.
د دې څېړنې د ټیم مشره ناتالیا ترایانووا وايي، د زړه اریتم په نړۍ کې د ۲۰ سلنه مړینو دلیل ګڼل کېږي. دا په داسې حال کې ده چې انسان یا طب د هغو کسانو د تشخیص په اړه، چې له دې خطر سره مخامخ دي، ډېر لږ پوهېدای شي.
د روغتیا د نړیوال سازمان پر اساس، په نړۍ کې تر ټولو ډېر انسانان د زړه په ناروغیو مري.
د دې سازمان په وینا دا له تېرو شلو کلونو راهیسې د هغو ناروغیو په سر کې ده چې له کبله یې زیات انسانان مري خو په وروستیو کلونو کې د دې نارغۍ له کبله د مړینو شمېر لا زیات شوی دی.
له ۲۰۰۰ کال څخه تر ۲۰۱۹ پورې د هغو کسانو په شمېر کې، چې د زړه په ناروغیو مړه شوي، ۲ ملیونه زیاتوالی راغلی دی.
له ۲۰۰۰ څخه تر ۲۰۱۹ پورې په بېلابېلو ناروغیو ۵۵ ملیونه او ۴ لکه تنه مړه شوي چې د هغو په منځ کې د ۵۵ سلنې مړینې د زړه ناروغۍ وې.