تاند:( پنجشنبه، د حمل ۱۸ مه) راپورونه وايي، چې د تخار په فرخار ولسوالۍ کې پرون د طالبانو رنجر شپږ تنه لاندې او ټپيان کړي دي.
عيني شاهدان وايي، دې پېښه کې شپږ تنه ټپیان شوي او د تخار ولایتي روغتون ته لېږدول شوي دي.
د دغې سرچینې په وینا، د دې پېښې د څلورو ټپیانو وضعیت نازک دي.
د طالبانو سیمه ییزو چارواکو او وياندويانو په دې اړه څه نه دي ویلي.
د طالبانو له واکمنیدو سره په مختلفو ولايتونو کې د دوی جنګیالي د ناسمې موټر چلونې له کبله په ورته پېښو رامنځته کولو تورن شوي.
د طالبانو چارواکو ځينې داسې پېښې تاييد کړي او د عاملينو د مجازات ژمنه يې کړې، خو په دې اړه يې تر اوسه هیڅ عملي ګامونه نه دي رسنيز کړي.
د طالبانو چارواکو ځينې داسې پېښې تاييد کړي او د عاملينو د مجازات ژمنه يې کړې، خو په دې اړه يې تر اوسه هیڅ عملي ګامونه نه دي رسنيز کړي.