تاند(پنجشنبه، د حمل ۴ مه) د چین د بهرنیو چارو وزیر وانګ يي نن سهار کابل ته راغی او په هوايي ډګر کې یې د ط البانو د حکومت د بهرنیوچارو سرپرست وزیر امیرخان متقي هرکلی وکړ.
د ط. البانو د بهرنیو چارو وزارت د ویاند مرستیال حافظ ضیا احمد وايي، د چین د بهرنیو چارو وزیر به د مولوي امير خان متقي په ګډون له چارواکو سره د سیاسي، اقتصادي او ټرانزیټي اړیکو د پراخولو په ګډون پر بېلابېلو مسایلو خبرې وکړي.
پرون په ځینو راپورونو کې ویل شوي وو چې ټاکل شوې وه د روسیې د بهرنیو چارو وزیر سرګی لاوروف کابل ته راشي خو په ناڅرګندو دلایلو یې سفر وځنډېد. همداراز د چین د بهرنیو چارو وزیر د راتګ په اړه هم ویل شوي وو.
https://t.co/mroHZWby9I pic.twitter.com/OcmXgvfUq8
— Dr.M.Naeem (@IeaOffice) March 24, 2022
د چین د بهرنیو چارو وزیر کابل ته تر رارسېدو مخکې په اسلام اباد کې د پاکستان له صدراعظم عمران خان او نورو پاکستاني چارواکو سره د دوو هیوادونو پر خپلمنځي اړیکو او همداراز د افغانستان په اړه خبرې وکړې.
دواړو خواوو د افغانستان پاکستان او چین د باندنیو چارو وزیرانو په درې اړخیزو غونډو او په چین کې د افغانستان د ګاونډیو هیوادونو د کنفرانس په اړه د نظر تبادله وکړه.
په راتلونکې اپریل میاشت کې به چین د افغانستان د شپږو ګاونډیو او همداراز روسیې د استازو د غونډې کوربه وي. د دې غونډې په اجنډا کې به د نورو مسلو ترڅنګ د طالبانو د حکومت د رسمیت پېژندلو په اړه هم خبرې وشي.
چین لېوال دی چې د طالبانو حکومت په رسمیت وپېژندل شي څو چینايي شرکتونو ته د افغانستان په کانونو کې پانګونې ته لار هواره شي خو د طالبانو له لوري د نجونو د ښوونځیو د نه پرانیستلو په شمول ځینې اقدامات د دې سبب کېږي چې د چین په شمول نور هیوادونه د طالبانو حکومت په رسمیت ونه شي پېژندلی. ښايي ښاغلی (وانګ يي) نن په کابل کې له طالب چارواکو سره په دې اړه خپله اندېښنه شریکه کړي.
چين بايد د طالبانو له رسميت پيزندنى دده وكري. دا خلك د حكومت جورولو او حكومت كولو توان او پوهه نه ل ي.
وایي: کاروان تېرېږي، سپي غپېږي. آخر به ټوله نړۍ د اسلامي امارت حکومت په رسمیت وپېژني.
وایی د چین د بهرنیو چارو وزیر مسلمان کیږی نوځکه د ایمان راوړلو لپاره کابل ته راغلی دی ممکنه ده امریکا د دغه خبر د نشر مخه ونیسی خو زموږ هیوادوال باید خبر وی
,اوس نو د ط بوټ پاکان داسې په هره شبکه کې اخته دي او د ليکنو دوړې يي دي لکه په وچه خاوره کې يې چې کوم غمی پيدا کړای وي او هر سايټ کې په لاسونو د پښو تر مينځه شاته خاوره ټيله کوي او دوړي يې دي چې چينايي ماما يي راغلی…