تاند(دوشنبه، د حمل ۱ مه) په افغانستان کې د امریکا پخواني سفیر رایان کراکر ویلي، هر هیواد چې د طالبانو حکومت د افغانستان د مشروع حکومت په توګه په رسمیت وپېژني، د امریکا له لوري به پرې بندیزونه ولګول شي.
کراکر د امریکا غږ تلویزیون ته په مرکه کې وویل، که هر هیواد د طالبانو حکومت په رسمیت وپېژانده لویه تېروتنه به یې کړې وي.
ده زیاته کړه، طالبانو تراوسه پورې هغه شرایط نه دي پوره کړي چې دوی ته د مشروعیت د ترلاسه کولو لپاره اېښودل شوي وو.
په افغانستان کې د امریکا پخواني سفیر ټینګار کړی، ځینې هیوادونو د افغانستان سفارتونه طالبانو ته سپارلي او په دې توګه یې هڅه کړې چې طالبانو ته مشروعیت ورکړي.
پاکستان او ترکمنستان په اسلام اباد او عشق اباد کې د افغانستان سفارتونه طالبانو ته سپارلي دي.
همداراز چین راتلونکې میاشت د افغانستان د ګاونډیو هیوادونو او روسیې د استازو غونډه وربللې چې د افغانستان په اړه د نورو مسلو ترڅنګ د طالبانو د رژیم د رسمیت پېژندلو په اړه خبرې وکړي.
تېره اوونۍ د افغانستان لپاره د اروپايي اتحادیې ځانګړي استازي وویل، طالبان په نړۍ کې د خپل رژیم د رسمیت پېژندلو هڅې کوي خو دوی ته پکار ده چې لومړی داخلي مشروعیت ترلاسه کړي.
ده وویل، هغه حکومت چې وزیران یې د ملګروملتو په تور لیست کې وي، له نړۍ سره مناسبې اړیکې نه شي ټینګولی.
ته څوک یې دخر ې زویه ! لمړۍ مو ۲۰ کاله په جنګ کې مړه کړل اواوس بندیز هم پرې لګوۍ ! نالت په تاسو فاسدینو وحشیانو !!
رایان کراکر عصبی او عقلی تکلیف لری امریکایی چارواکی دیی دغه بی منطقه او تقاعدی سړی ژر تر ژره شفاخانی ته واستوی.