تاند(پنجشنبه، د حوت ۲۶ مه) په ټولنیزو شبکو کې د یوې ویدیو له خپرېدو وروسته د طالبانو حکومت د پاسپورټ عمومي ريیس عالم ګل حقاني له دندې ګوښه کړ.

په خپره شوې ویدیو کې په یوه خونه کې یو تن چې ادعا کېږي د علم ګل حقاني ورور دی په داسې حال کې لیدل کېږي چې شراب ورته ایښي او له څو نامحرمو ښځو سره یې غیراخلاقي بانډار جوړ کړی دی.

طالبانو د دې ویدیو په اړه رسماً څه نه دي ویلي.

عالم گل حقانی!
تو حتما از بیباکی برادرت خبر بودی ،اگر خودت اقدام میکردی ؛ خداوند از این رسوایی نجاتت میداد، حالا مرگ را برایت از زندگی بهتر میدانم .
میگویند اگر از دیگران عبرت نگیریم ؛ برای دیگران عبرت میشویم.
این حادثه برای هر خاین تکان دهنده است! https://t.co/PmsWP6SMtY

— Lutfullah Habibi (@Lutfullah789) March 17, 2022

خو د طالبانو د دفاع وزارت د ستراتیژیکو اړیکو ريیس لطف الله حبیبي نن سهار (پنجشنبې) وویل چې د پاسپورټ عمومي رييس د خپل ورور د اخلاقي فساد په خاطر له دندې ګوښه کړای شوی دی.

حبیبي پر خپله ټویټرپاڼه د اخلاقي او اداري فساد په تړاو د پاسپورټ د ريیس عالم ګل حقاني د ورور نیول کېدا د افسوس وړ بللې خو دا یې د طالبانو د لیکو د پاکوالي نښه بللې چې هیڅوک د دوی په نظام کې قانوني مصونیت نه لري او د هر خاین خیانت افشا کېږي.

ده همداراز لیکلي:

سره له دې چې د دې ویدیو له خپرېدو وروسته یو شمېر خلکو طالبانو ته د انتقاد ګوتې نیولي چې دوی هم له اخلاقي فساده خالي نه دي خو د طالبانو د ویندویانو د دفتر یوه غړي محمدجلال د پاسپورت د دفتر د ريیس برطرفي د دې ښکارندویه وبلله چې طالبان د پخواني حکومت خلاف قوانین پر ټولو یو شان تطبیقوي او هیڅوک د جنایتکارانو د اقداماتو دفاع نه کوي