تاند- د موټرسایکل جوړولو لاټینینګ (Lightening) کمپنۍ یو نوی برقي موټرسایکل جوړ کړی چې سرعت یې په ساعت کې ۴۰۰ کیلومترو ته رسېږي.
دې کمپنۍ تر دې وړاندې هم د ایل ایس ۲۱۸ په نوم برېښنايي موټرسایکل جوړ کړی و چې اعظمي سرعت یې په ساعت کې ۳۵۱ کیلومتره و. خو د دغه شرکت نوي موټرسایکل په تېزوالي کې ساری نه لري.
ټاکل شوې ده چې لایټینینګ کمپنۍ دوه بېلابېل یا دوه ماډله موټرسایکلونه جوړ کړي خو تراوسه پورې یې د هغو د ځانګړتیاوو په اړه څه نه دي ویلي.
خو څه چې تراوسه څرګند شوي دا دي چې د دې نوي موټرسایکل، چې اعظمي سرعت یې په ساعت کې تر ۴۰۰ کیلومترو پورې رسېږي، بېټرۍ به لوړ ظرفیت لري.