تاند:( پنجشنبه، د کب پینځمه) په پنجشير کې د احمد مسعود په مشرۍ د طالبانو پر ضد د مقاومت ډلې ادعا کړې، چې د طالبانو د سرې قطعې قومندان عزت الله کندهاری يې د هغه له ۸ جنګياليو سره وژلی دی.
د احمد مسعود وياند صبغت احمدي ويلي، چې ملا عزت او وسله والو يې د شتل ولسوالۍ په دواب سيمه کې د دوی پر مرکزونو د بريد په ځوابي ډزو کې وژل شوي دي.
سرچينې په بريد کې د ځينو نورو طالب جنګياليو د ټپي کیدو ادعا هم کړې ده او د ملا عزت مرګ ته منسوب عکسونه يې هم خپاره کړي دي.
طالبانو په دې اړه رسنيو ته څه نه دي ويلي.
په وروستيو کې د طالبانو پر ضد د مقاومت ډلې يوه مشر او د بې واکه شوي ولسمشر محمد اشرف غني لومړي مرستيال امر الله صالح طالبان تورن کړل، چې د افغانستان رسنۍ يې د دوی د اړوندو خبرونو په نه خپرولو ګواښلي دي.
طالبان په ټوله کې د دوی خلاف د مقاومت ډلو موجوديت ردوي او د احتمالي موجوديت په صورت کې يې د ځپلو ټينګار کوي.
دغه رټلي د پرديو غلامان اوس له خپله ځانه هر څه خپروي طالبان بايد ددوۍ بيخ وباسي.